राजेन्द्र पराजुली मूलतः कथाकारका रूपमा परिचित छन् । उनका विकल्प यात्रा, जाडोमा भोक, सपनामा मार्क्स, शुक्रराज शास्त्रीको चस्मा र अघोरी कथासङ्ग्रह प्रकाशित भएका छन् । शुक्रराज शास्त्रीको चस्मा कथासङ्ग्रह २०७३ सालको मदन पुरस्कारको छोटो सूचीमा परेको थियो । कथासङ्ग्रसहित पराजुलीका अनायिका उपन्यास, भ्रष्ट संवेदना कवितासंग्रह र कोटेश्वरको केटो संस्मरणकृति प्रकाशित भइसकेका छन् । पत्रकारितामा आवद्ध उनका कथामा पेसागत विकृतिसमेत केलाइएका हुन्छन् ।